Nəsimi rayon İcra Hakimiyyətinin başçısı ərazidə sakinlərlə görüşmüşdür

12 mart 2020 | 16:00

Nəsimi rayon İcra Hakimiyyətinin başçısı Asif Əsgərov Nəsimi rayonu, Azər Əliyev küçəsi ərazisində sakinlərlə görüşmüşdür. RİH başçısı hazırda Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla xanım Əliyevanın təşəbbüsü ilə ”Bizim həyət” layihəsi çərçivəsində uğurla həyata keçirilən genişmiqyaslı abadlıq-quruculuq işləri ilə tanış olarkən o, sakinləri narahat edən məsələlərlə maraqlanmış, onların müraciətlərini dinləmişdir. Əvvəlki görüşdə səkinin genişləndirilməsi istəyi ilə bağlı müraciətləri nəzərə alınaraq məsələnin müsbət həll edilməsindən sakinlər razılıqlarını bildirmişlər.

Eyni zamanda layihə çərçivəsində davam edən işlər, o cümlədən binalara yeni liftlərin quraşdırılması, abadlaşdırılan həyətdə başqa tikintilərin aparılmasının məqsədəuyğun olmaması barədə sakinlər tərəfindən qaldırılan məsələlər müzakirə edilmişdir.

Müraciətlərlə bağlı rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmişdir.

Keçidlər