Şriftin ölçüsü :

Saytın rəngi :

İH Başçısının müavinləri

Verdiyeva Gülarə Eyvaz qızı - 10 aprel 1970-ci ildə Goranboy rayonunda doğulmuşdur. 1977-ci ildə Nadir Kərimov adına məktəbin 1-ci sinfinə qəbul olmuşdur, 1987-ci ildə orta məktəbi bitirmişdir. 1988-ci ildə H.Zərdabi adına Pedoqoji İnstitutuna daxil olmuşdur, 1993-cü ildə İbtidai təhsilin Pedoqoqikası və Metodikası üzrə fakultəni bitirmişdir. 2013-cü ildə Prezident yanında Dövlət İdarəçilik Akademiyasının “Dövlət və Bələdiyyə İdarəetməsi” fakültəsinə daxil olmuşdur.

1993-cü ildən əmək fəaliyyətinə başlamışdır. 1993-1995-ci illərdə Gəncə şəhər 44 saylı orta məktəbdə laborant vəzifəsində, 1995-1998-ci illərdə Gəncə şəhər 44 saylı orta məktəbdə ibtidai sinif müəllimi, 1998-1999-cu illərdə Bakı şəhəri, Yasamal rayonu M.Müşfiq adına 18 saylı orta məktəbdə günüuzadılmış qrup  rəhbəri, 1999-2007-ci illərdə Bakı şəhəri, Yasamal rayonu 18 saylı orta məktəbdə ibtidai sinif müəllimi, 2007-ci ildə Bakı şəhəri, Nəsimi rayonu 9 saylı orta məktəbdə təlim-tərbiyə işləri üzrə direktor müavini, 2007-2009-cu illərdə Bakı şəhəri A.Hüseynzadə adına 20 saylı orta məktəbdə təlim-tərbiyə işləri üzrə direktor müavini, 2009-2010-cu illərdə Bakı şəhəri, Nəsimi rayonu 28 saylı orta məktəbdə və 2010-cu ildə Bakı şəhəri, Nəsimi rayonu 152 saylı tam orta məktəbdə direktor vəzifəsində çalışmışdır. 2013-cü ilin noyabr ayından Nəsimi rayon İcra Hakimiyyətində humanitar məsələlər üzrə müavin vəzifəsində işləyir. 2017-ci ilin fevral ayından Nəsimi rayon İcra Hakimiyyəti Başçısının  birinci müavini vəzifəsində işləyir.

YAP-ın Qadınlar Şurasının sədridir.  Ailəlidir,  2 övladı var.

 

 

Xəlilov Zahid Əziz oğlu – 05 iyul 1963-cü ildə Ermənistan Respublikası, Amasiya rayonunun Ellərkənd kəndində anadan olmuşdur.

1970-ci ildə Amasiya rayonu, Ellərkənd kənd məktəbinin 1-ci sinfinə getmiş, 1980-ci ildə Güllücə kənd orta məktəbini fərqlənmə ilə bitirmişdir. Həmin il də Azərbaycan Dövlət Pedaqoji İnstitutuna  daxil olmuş, 1985-ci ildə həmin İnstitutu bitirərək fizika-riyaziyyat müəllimi kimi əmək fəaliyyətinə başlamışdır.

1992-1996-cı illərdə Nəsimi Rayon İcra Hakimiyyətində - Ərazi hakimiyyəti orqanları, ictimai idarə və birliklərlə iş üzrə şöbədə 1-ci dərəcəli təlimatçı, Mənzil sahəsinin uçotu və bölüşdürülməsi şöbəsində müfəttiş, həmin şöbənin müdiri, Rayon İcra Hakimiyyəti başçısının müavini, Ərazi hakimiyyəti orqanları, ictimai idarə və birliklərlə iş üzrə şöbənin müdiri, 1996-1999-cu illərdə Dövlət Əmlak Komitəsinin Nəsimi rayon şöbəsinin rəisi vəzifələrində çalışmışdır.

1999-2013-cü illərdə Nəsimi Rayon İcra Hakimiyyəti başçının müavini, 2013-2015-ci illərdə Nəsimi rayon İcra Hakimiyyətinin İctimai-siyasi və humanitar məsələlər şöbəsinin müdiri, 2015-ci ildən 2020-ci ilin dekabr ayınadək Nəsimi rayon İcra Hakimiyyətinin Ərazi idarəetmə və yerli özünüidarəetmə orqanları ilə iş  şöbəsinin müdiri vəzifəsində işləmişdir.  2020-ci ilin dekabr ayından Nəsimi rayon İcra Hakimiyyəti Başçısının müavini vəzifəsində çalışır.

2013-cü ildə Azərbaycan Respublikası Prezidenti cənab İlham Əliyevin 27 iyun 2013-cü il tarixli, 2978 nömrəli Sərəncamı ilə "Dövlət qulluğunda fərqlənməyə görə" medalı ilə təltif olunmuşdur. Dövlət qulluğunun müşaviridir.

1994-cü ildən Yeni Azərbaycan Partiyasının üzvüdür. YAP Nəsimi rayon təşkilatının şura üzvüdür.

Ailəlidir, 2 övladı var.

 

/storage/files/images/1611823758628.jpgQuliyev Ramiz Səmərxan oğlu – 19.01.1966-cı ildə Bakı şəhərində anadan olmuşdur.

1974-1984-cü illərdə Bakı şəhəri, Nərimanov rayonu 82 nömrəli orta-ümumtəhsil məktəbində təhsil almışdır. Həmin il də Azərbaycan Dövlət Pedaqoji İnstitutuna  daxil olmuş, 1984-1985-ci illərdə hərbi xidmətdə olub. 1986-cı ildə Bakı Elektrik Hesablayıcı zavodunda fəhlə kimi əmək fəaliyyətinə başlamışdır.

1986-1989-cu illərdə Bakı İnşaat Texnikumunda təhsil almışdır.

1988-1991-ci illərdə Təmir Tikinti İdarəsində tikinti ustası vəzifəsində işləmiş. 1991-1995-ci illərdə “Xəzri” Tikinti Firmasında direktor müavini, 1995-1997-ci illərdə Təsərrüfat Hesablı Bərpa Təmir-Tikinti idarəsində rəis vəzifəsində çalışmışdır.

1998-ci ildə Azərbaycan Memarlıq və İnşaat Universitetinə daxil olmuş, 2003-cü ildə həmin universitetinin Mühəndis sistemlərinin və qurğularının tikintisi ixtisası üzrə bitirmişdir.

1999-2001-ci illərdə 3 nömrəli Təsərrüfatlararası istehsalat Təmir-Tikinti Trestində rəis vəzifəsində işləmiş.

2001–2020-ci illərdə Bakı Şəhər İcra Hakimiyyətində Ərazi İdarəetmə orqanları ilə iş şöbəsində baş məsləhətçi vəzifəsində işləmiş. 2020-2021-ci illərdə Azərbaycan Respublikası Şəhərsalma və Arxitektura Komitəsində Regionlarla İş şöbəsində Şöbə müdiri vəzifəsində çalışmışdır.

2021-ci il yanvar ayından Nəsimi rayon İcra Hakimiyyəti Başçısının müavini vəzifəsində çalışır.

2001-ci ildən Yeni Azərbaycan Partiyasının üzvüdür.

Ailəlidir, 4 övladı var.

Keçidlər