Novruzova Lətifə Qaraş qızı

 1952-ci ildə təvəllüdlü Nəsimi rayon sakinidir. 1960-cı ildə  Kürdəmir rayonunun orta məktəbini bitirmişdir. 1994-cü ildə 2 övladı bir gündə Kəlbəcərdə gedən döyüşlərdə qəhrəmancasına həlak olublar. 1986-cı ildən indiyədək Azərbaycan Tibb universitenin 5 saylı yataqxanasında texniki işçi vəzifəsində işləyir.

Şəhid övladları  göstərdiyi şücaətə görə dövlət tərəfindən Azərbaycan bayrağı ordeni ilə təltif olunub. Nərimanov rayonundakı 36 nömrəli məktəb adlarını daşıyır. 1 oğlu və 2 nəvəsi var. 

Əliyev Səxavət Yusif oğlu

1966-cı il təvəllüdlü Bakı şəhər Nəsimi rayon sakinidir. 1983-cü ildə orta məktəbi bitirmişdir. 1990-cı ildə Azərbaycan Politexnik İnstitutunun mexanika fakültəsini bitirmişdir. Kiçik sahiblarlıqla məşğuldur. Ailəlidir, 1 övladı var. Şəhid atasıdır. Oğlu Əliyev Rauf Səxavət oğlu 22 oktyabr 2020-ci il tarixdə Füzuli-Hadrut istiqamətində gedən döyüşlərdə qəhrəmancasına Şəhid olmuşdur.

Həmidova Firəngiz İsmayıl qızı

1956-cı təvəllüdlü, Bakı Şəhər Nəsimi rayon sakinidir.
1976-1981-ci illərdə isə M.F.Axundov adına "Rus dili və ədəbiyyatı" Institutunda təhsil alaraq, "rus dili və ədəbiyyatı müəllimi, eləcə də sinifdənxaric işlər üzrə metodist" ixtisasına yiyələnmişdir. 1983-cü ildən 1989-cu ilədək Nizami rayonu 129 nömrəli tam orta məktəbədə müəllim, 1989-1995 ci illərəd isə həmin məktəbəd direktor müavini vəzifəsində çalışmışdır. 1995-ci ildən 1997-ci ilin may ayınadək Xətai rayonu 24 nömrəli tam orta məktbdə direktor vəzifəsində çalışmışdır. 1999-cu ilin iyun ayından isə Nəsimi rayon Təhsil Şöbəsində Metodiki Mərkəzin direktoru, həmin ilin dekbar ayından bu günədək Nəsimi rayonu İ.Əbilhəsənov adına 42 nömrəli tam orta məktəbin direktoru vəzifəsində çalışır. Rəhbərlik etdiyi İ.Əbilhəsənov adına 42 N-li tam orta məktəb 2010/2011-ci dərs ilində Prezident Fərmanı ilə "Ən yaxşı ümumtəhsil məktəbi" adına layiq görülmüşdür. Əmək fəaliyyəti dövrümdə bir sıra fəxri fərman və diplomlarla təltif olunmuşam. 2010-cu ildə Azərbaycan Respublikası Təhsil Nazirliyinin "Azərbaycan Respublikası Qabaqcıl Təhsil İşçisi" döş nişanı ilə təltif olunmuşdur.

Musayev Mehman Məhəmməd oğlu

1991-ci il təvəllüdlü,Bakı Şəhər Nəsimi rayon sakinidir. 2012-ci ildə Azərbaycan Memarlıq və İnşaat universitetini Mühəndis İqtisadiyyatı və İdarəetmə fakültəsini bitirmişdir. 2016-cı ildə Azərbaycan Memarlıq və İnşaat universitetinin nəqliyyat tikintisi mühəndisliyi fakültəsini bitirmişdir. Hərbi mükəlləfiyyətlidir. 2013-cü ildə “Azəryolservis” ASC-nin İsmayıllı 10 saylı yol istismar idarəsində mühəndis-texnoloq və əməyin mühafizəsi vəzifəsində, 2014-cü ildə “Körpü-bina Tikinti” MMC-də sahə ustası, 2016-ci ilin may ayınadək Azərbaycan Respublikasının Nəqliyyat Nazirliyinin “Azəryolservis” ASC-nin Avtomobil Yollarının İstismarı İdarəsinin Magistral Avtomobil Yolları şöbəsində mütəxəssis, 2016-cı ildən Azərbaycan “Azəravtoyol” ASC-də mühəndis vəzifəsində çalışır. Azərbaycan Respublikasının Prezidenti yanında Dövlət İdarəçilik Akademiyasının İnzibati İdarəetmə fakültəsinin tələbəsidir. Yeni Azərbaycan Partiyasının üzvüdür. Ailəlidir, 1 övladı var.

Sadıqov Nicat Ramiz oğlu

1986-cı il təvəllüdlü Bakı şəhər Nəsimi rayon sakinidir. 2003-cü ildə 284 nömrəli məktəbi bitirmişdir. 2007-ci ildə Azərbaycan Dövlət İqtisad Universitetinin maliyyə kredit fakültəsini bitirmişdir. 2008-2019-cu illər ərzində fərdi sahibkarlıq fəaliyyəti ilə məşğul olmuşdur. 2019-cu ildən “Malibu MMC”-də direktor müavini vəzifəsində çalışır. Ailəlidir, 4 övladı var.

Calalov Mirhaşim Rəhim oğlu

1984-cü il təvəllüdlü Bakı şəhər Nəsimi rayon sakinidir. 2006-cı ildə Azərbaycan Beynəlxaq Universitetinin Müalicə işi fakültəsini bitirmişdir. 2006-2007-ci illərdə Respublika Klinik Uroloji Xəstəxananın Hemodializ şöbəsində nefrologiya üzrə internatura kursunu keçmişdir.2005-2006-cı illərdə Respublika Klinik Uroloji Xəstəxananın Hemodializ şöbəsində tibb qardaşı, 2007-2011-ci illərdə Respublika Klinik Uroloji Xəstəxananın Hemodializ şöbəsində həkim-nefroloq, 2011-2013-cü illərdə Klinik Tibbi Mərkəzin Hemodializ şöbəsində həkim-nefroloq, 2013-cü ildən 2020-ci ilin sentyabr ayınadək həmin şöbənin müdiri vəzifəsində çalışmışdır. 2020-ci ilin sentyabr ayından  Mərkəzi Neftçilər Xəstəxanasının Hemodializ şöbəsinin müdiridir. Səhiyyə Nazirliyinin Hemodializ üzrə Komissiyasının üzvü, Hemodializ xəstələri üçün məlumat kitabçasının həmmüəllifi. Müxtəlif elmi konfransların iştirakçısıdır.Klinik Tibbi Mərkəzin Yeni Azərbaycan Partiyasının Dayaq Nöqtəsinin sədr müavinir.Subaydır.

Rüstəmov Tahir Aydın oğlu

1959-cu il təvəllüdlü Bakı şəhər Nəsimi rayon sakinidir. 1977--1982-ci illərdə Azərbaycan Dövlət Universitetinin (BDU) jurnalistika fakültəsində, 1984-1986-cı illərdə Azərbaycan KP MK Marksizm-Leninizm Universitetinin jurnalistika şöbəsində oxumuş, hər iki məktəbi fərqlənmə diplomu ilə bitirmişdir. 1993-cü ildə ABŞ Dövlət İnformasiya Agentliyində, 2010-cu ildə Misirdə Qahirə Universitetində 1 aylıq jurnalistika kursları keçmiş, 2000--2002-ci illərdə Fransanın Lill Ali Jurnalistika Məktəbinin təlimçi ixtisası almışdır. 1983--1988-ci illərdə Azərbaycan Dövlət Teleradio Verilişləri Komitəsində AzTV- nin xəbərlər baş redaksiyasında kiçik redaktor, redaktor, böyük redaktor vəzifələrində işləmişdir. 1988-ci ildə ölkənin avanqard "Xalq qəzeti" (keçmiş "Kommunist" qəzeti) redaksiyasına dəvət olunmuş, baş müxbir, bölgə müxbiri, baş redaktorun birinci müavini vəzifələrində çalışmışdır. Sonrakı dövrdə redaksiya strukturundakı dəyişikliklə əlaqədar fəaliyyətini məsul əməkdaş, redaksiya heyətinin üzvü kimi davam etdirir. Azərbaycan Respublikasının Əməkdar jurnalisti fəxri adına, Ali Media, Həsən bəy Zərdabi və "Araz" yaradıcılıq mükafatlarına layiq görülüb. Azərbaycan Mətbuat Şurası nəzarət-təftiş komissiyasının sədri, Ahil Jurnalistlər Məclisi sədrinin müavini, Azərbaycan Respublikası Prezidenti yanında KİV-ə Dəstək Fondunun və Dövlət İmtahan Mərkəzinin ekspertidir. 40 ildən artıq jurnalist-publisist fəaliyyətim dövründə müxtəlif mövzulu və janrlı çoxsaylı teleradio süjet və verilişinin, 1000-dən çox qəzet-jurnal yazısının, media tarixinə dair 10-dan artıq kitabın müəllifidir. Prezident İlham Əliyevin liderlik fəaliyyətinin salnaməsi olan "Böyük siyasətin davamı" çoxcildliyinin 7 cildinin nəşriyyat redaktoru, bir sıra kitabların redaktoru olub.

Yusifov Alik Elşən oğlu

1995-ci il təvəllüdlü Bakı şəhər Nəsimi rayon sakinidir. Orta təhsilimi 2001-2009-cu illərdə Bakı şəhəri, Yasamal rayonu 53 saylı tam orta məktəbdə almış. 2009-2012-ci illərdə təhsilimi Cəmşid Naxçıvanski adına hərbi liseyde davam etdmişdir. 2012-2016-cı illərdə isə Azərbaycan Ali Hərbi məktəbində təhsilini davam etdirmiş. 2016-cı ildən 2020-ci ilə qədər Azərbaycan ordusunda zabit qismində müxtəlif vəzifələrdə xidmət etdirmişdir. 2020-ci il Vətən müharibəsində Azərbaycan Respublikası Dəniz xüsusi təyinatlıları (SAH) nəzdində Xüsusi Təyinatlı Kəşfiyyatçı dalğıc təxribat qrupunun komandiri vəzifəsində  müharibədə iştirak etmiş, bir çox kənd və Qubadlı şəhərini qrupumun iştirakı ilə azad etmiəsində iştirak etmişdi. Azərbaycan Respublikası Prezidentinin müvafiq sərəncamları ilə “Füzuli”, “Cəbrayıl”, “Qubadlı”, “Xocavənd” rayonlarının azad olunmasına görə medal o cümlədən “Cəsur döyüşçü” və “Vətən uğrunda” medalları ilə təltif olunmuşdur. Ağır yaralandığı üçün xidmətə fiziki yararlı olmadığından II qrup əlillik dərəcəsi ilə hərbi xidmətinə sonlandırmağıma məcbur qalmışdır.